Dewleta tirke daranê zeytunan ê ke Efrîn de çimeyê debarî yê esasî yê şarî yê  birnena û zeytunan û ronê zeytunan pîyasaya dinya de sey 'malê tirkan' roşena. Dewleta  tirke ya îşxalkere daranê ke birnena zî sey kolîyan bazaranê Efrînî de roşena.

Goreyê  zanayîşanê ke çimeyanê Şêrawa ra ameyî girewtene çeteyê El Hamzatî yê ke pabesteyê dewleta tirke ya îşxalkere yê dewa Kîmarê de 1950 darê şarî birnayî. Darê ke ameyî birnayene ra 600 darî ê Şahîn Nebo, 350 ê Îzet Reşîd Nebo, 150 darî ê  Micibîm  Nebo û 150 darî zî ê Nîdal Cimo Neboyî yê.