Dewleta tirke ya îşxalkere û cerganê ci virzêr goreyê saeta herême saete 19:10 de dewa Semûqa ya qezaya Bendava ya Şehba ser o bombayî varnayî. Heman wextî de dewanê Meranazî, Malikîyê, Şiwarxa û kelaya Şiwarxa ya Şera ya Efrînî ser o zî bombayî varnayî.

Nê hêrişî ra verî qasê nêm saetan dewleta tirke û cerganê ci dewa Şêx Îsayî û Hirbilî yê Şehba ser o zî bombayî varnayî.

Dewleta tirke her roje bi hawayêkê sîstematîkî cayê sivîlan ser o bombayan varnena. Hêrişanê îşxalî yê dewleta tirke yê vera Rojawanî de 9ê teşrîna verêna 2019î ra nata bi seyan sivîlî merdî û bi hezaran kesî zî neçare mendî ke koç bikerê.