Goreyê wextê herême saete 10:20 de vera dewanê Kefer Antûn û El Qamîyê yê qezaya Şêrawa yê Efrînî bombardûman dest pêkerd. Derheqê hêrişî de xeberê hîrayî nêameyî girewtene.

Dewleta tirke hema hema her roje herêmanê Rojawanî ser o bombayan varnena.

16ê çeleyî de nêmroje de dewê  Birektik, Ebdiko Mezin, Ebdiko Biçûk û Kopirlik ê Girê Sipî ameyî bombavarnayene.

15ê çeleyî de ambara geniman a Umilkeyfî ya Til Temirî ameye bombavarnayene. Dewa Erîda ya Girê Sipî zî 14 ra heta 15ê çeleyî ameye bombavarnayene.

Heman roje  dewê Merenazî û Malikîyê yê qezayê Şera yê Efrînî bi topan ameyî  bombavarnayene.