Hêrişê dewleta tirke yê vera Zîrganî dewam kenê. Netîceya hêrişê vera dewa Rebîatî de 3 kesî şehîd bîyî û 3 domanî zî bi hewayêkê giranî birîndar bîyî.

Dewa Rebîatî de eynî keyeyî ra Melka Ehmed Îd (30)  û dayîka ci Fesla Îd (60) şehîd bîyî û domanî  Cûdî Îd (4), Cûrî Îd (11) û  Ehmed Îd (8) birîndar bîyî ke rewşa înan giran a.

Nêweşxaneyê Hesekê de zî hemwelatîyo bi nameyê Salih Hemîd El Hisên (60) şehîd bi. Dîya zanayene ke bombarduman de 3 leşkerê hukmatê Şamî zî birîndar bîyî. Rîyê bombardumanî ra ambûlansî nêeşkenê biresê birîndaran.

Hêrişê vera  dewa Til Werdî de zî Ehmed Mihemed El Faris (50) û domano bi nameyê Hemda Farisî birîndar bibî. Birîndarî Nêweşxaneyê Hesekê de yenê tedawîkerdene.

Îşxalkerî mewzîyanê dewa Bab El Xêrî ya ke binê îşxal de ya ra hêrişê dewanê Mehremla, Til Emîr, Mezra û Til Werdî kerd ziraro pîl da malanê sîvîlan.