Rêxistina Hewanê Merdiman a Efrînî da zanayene ke çeteyan kesêk mirêna û kesêko bîn zî remna.

Eşkerayîye de ame vatene ke hemwelîtîyo bi nameyê Mihemedo ke badê îşxalî qezaya Bilbilê ra bar kerd şi Cindirês hetê çeteyanê dewleta tirke Cephe El Şamîya ra ame remnayene. Badê hîrê rojan seba ke netîceya îşkenceyî de rewşa ey xirab bîyî ame veradayene. Mihemdo ke Cinderês de ameyêne tedawîkerdene cuya xo vînî kerde.

Hetê bînî ra çeteyanê dewleta tirke Ehrer El Şarkîya 31ê tebaxe de  dewa Yelanqozî ya Cindirêsî de hemwelatîyo bi nameyê Murad Reşîd Mihemed remna. Ame vatene ke lajê ey zî wextêk verê cu hetê çeteyan ra ame remnayene û vera fîdye serbest ame veradayene.