Efrîno ke binê îşxalê dewleta tirke de yo tede her roje sivîlî yenê remnayene.

Goreyê çimeyanê herêmîyan dewa Hemamî ya qezaya Cindirêsî ya Efrînî de Şukirî Ehmed Kindî (30) 7ê tebaxe de wexto ke Helebî ra agêrayêne dewa xo ra ame remnayene. Babîyê Ehmed Kindîyî ard ziwan ke cergan semedo ke lajê ci vera bidê tira 20 hezar dolar waşto.

Adara 2018î ra nata Efrîn de rejîmê terorî esto. Dewleta tirke ya îşxalkere bi hawayêkê sîstematîkî herême de sûcanê şerî kena.

10ê tebaxe de Ezaz û Îdlîb de 2 efrînijî, 8ê tebaxe de zî dewa Xilkoyî ya qezaya Bilbilî ra kesê bi nameyê Mihemed Xelîl Hecî Hisên (40) û cinîya ci ameyî remnayene. Aqîbetê înan hema zî eşkera nîyo.

Goreyê Vervatoxê Rêxistina Heqanê Merdiman a Efrînî Îbrahîm Şêxoyî da zanayene ke temmuze de tewr tay 37 sivîlî ameyî remnayene û dest nîya 21 keye û kargehanê efrînijan ser.