Şehba de semedê şermezarkerdişê dewleta tirke ya îşxalkere çalakîyêke ameye kerdene. Biseyan kesanê ke vejîyayî kuçeyan qetilkerdişê Endamê Komîteya Keyeyanê Şehîdan a PKKyî Yasîn Bulutî şermezar kerd û vera xayînîye veng da kurdan ke wa têkoşînî pîlêr bikerê.

Rayraşîyayîşo ke serê rayîrê dewa Til Qerahî yê qezaya Ehrasî de dest pê kerd ver bi dewa Til Sosînî dewam kerd. Çalakîye de fotografê Yasîn Bulut û Rayberê Şarê Kurdî Abdullah Ocalanî pankarta ke sero vera îşxal û xayîneye rayraşîyîşê rumetî nuştebi, ameyî kiriştene. Dima ra mîtîngêk ame kerdene. Mîtîngo ke bi rêzigrewtişî dest pêkerd de Hemserekê Kantonê Efrînî Zelûx Bekîrî qisey kerd.

Bekîrî nê vatî: ''Planê dişmneî do nêeşkê îradeyê ma bişiknê. Ma wayîrê îradeyê pîlî yê. Dişmen rixmê heme hêrişanê xo do vera kurdan ser nêkewo.'' Bekîrî vera dişmenî bale ante muhîmîya yewîye ser û  bêvengîya welatanê Ewropa zî şermezar kerd.

Hemserekê Meclîsê Kantonê Şehba Îsmaîl Musayî zî bale ante serê waştişê qirkerdişê sîyasîyî yê dewleta tirke ser û vat: ''Bulut herra Kurdîstanî de ame şehîdkerdene. No zî xayînîye îspat keno. Ganî şar vera nê sîyasetî vejîyo û vera dişmenî bibê yew ke têkoşîn ser bikewo.''

Çalakîyê bi slogananê vera xayînîye qedîyaye.