Serfermandarê QSDyî Mazlûm Ebdîyî derheqê hêrişanê dewleta tirke ya îşxalkere de eşkerayîyêke daye. 

Ebdîyî vist vîrî ke dewleta tirke 4 rojan ra nata bêmabên herême dana bombayan ver, nê hêrişan de 17 kesî şehîd bîyê û 48 kesî zî birîndar bîyê. 

Ebdîyî vat: ''Dewleta tirke panc serran ra nata seba ke Îdareyê Xoserî werte ra wedarna nê hêrşan kena la do netîce nêgêra. Nê hêrişî teyna vera hêzanê ma nîyê. Nê hêrişî Hêzanê Koalîsyonî û Rûsya zî eleqedar kenê.''

Ebdîyî pare kerd ke dewleta tirke çalakîya vera TUSAŞî xo rê kena bahane û vat: ''Dewleta tirke îdîa kena ke çalakîkerî tîya ra şorê Anqara. Ma teyna erdê Sûrîye de yê. Ma tim waşt ke meseleyan bi dîyalogan Tirkîya de çareser bikera la nê hêrişî zerar danê xîretanê ma. Eke hêrişî dewam bikerê ma do cewabê xo xurtêr bikerê.

Wa şarê ma têkoşînê xo pîlêr bikerdo. Seu QSDyî seba pawitişê şarê xo ma do têkoşînî rê dewam bikerê.''