Vervatoxê QSD'yî Kîno Gabrîel da zanayene ke îdîaya dewleta Tirkî ya QSD'yî dayo Nisêbîn ro zûr a. Gabrîelî vat dişmen û dostî vînenê ke QSD caardişanê winayênan ra zaf dûr o. La tarîxê artêşa Tirkî bi qewimîyayîşanê winayênan pirr o.
Vervatoxê QSD'yî Kîno Gabrîelî ard ziwan ke ke rîyê hêrişanê dewleta Tirkî û komanê terorîstan ra zafê sivîlî ameyî qetilkerdene û vat ke; dewleta Tirkî dest pê zûran kerd.
Gabrîelî nê vatî: ‘‘Çarçeweya şerê qirkerdişî de ke dewleta Tirkî verba şarê ma Vakûr û Rojakewtena Sûrîye de bi koordîneya komanê terorîstan kena pê bombardûmanê hovanan û bênîzamê ke netîceyê ci de bi desan sivîlî tede doman û cinîyî ameyî qetilkerdene. Tirkîya zûran û propagandayan vila kena. Dezgehanê çapemenîya Tirkîya da zanayene ke obus Nisêbîn de serê sînorî de kewto û vejîyayîşê ci şaristanê Qamişlo yo. Heman wextî de ma bala şarî ancenê ke qiseykerdişanê serekê îstixbaratê Tirkîya yê 2014 de wexto ke vat Tirkîya eşkena tayê kesî bierşawê hetê Sûrîye seba ke topan bierzê hetê Tirkî. No zî do seba mudaxele sebeb bido Tirkîya. Ma wazenê teqez bikê na îdîaya Tirkîya têna xîretêko batal a.Hêzê Sûrîyeya Demokratîke seba ke sivîlan şerî rê bipawo zaf fedakarî kerdî. Dişmen û dostî vînenê ke QSD caardişanê winayênan ra zaf dûr o. La tarîxê artêşa Tirkî bi qewimîyayîşan winayênan, qirkerdişan û sucanê merdîye pirr o.''
