Dewleta tirke ya îşxalkere û cergê ci hêrişanê vera başûrê Girê Sipî rê dewam kenê. Dewleta tirke bi taybetî Erîda, Qiz Elî, Kor Hesen, Evdiko, Kopirlikê pê çekanê giranan dewanê Girê Sipî dana bombayan ver û bi nê hawayî wazena şarê herême koç bikero.

Dewijanê Bîr Zinarê îfade kerd ke her roje serê înan de bombayî yenê varnayene. Dewij Xelîl Derwêşî vat: ''Hêrişanê dewleta tirke ra ez nêeşkena keyeyê xo de bimana. Hêrişê vera sivîlan, kiştişê sivîlan merdimîye nîya. Ne heywanî mendî ne baxçeyî ne zî keyeyî. Erdogan wazeno çimê ma bitersnê ma erdê ma ra vejo. Labelê ma Erdoganî ra nêtersenê. Ê îşxalker ê. Qaşo adirbirnayîş esto labelê tim hêrişê ma kenê Rûsya zî têna seyr kena.''

Yadê Selvî zî ard ziwan ke keyeyê înan bi temamî rijîyayo û vat: ''Hêrişanê dewleta tirke ra keyeyê ma rijîya, baxçeyê ma nêmend. La ez do nêşora cayêkê bînî. Xora cayêko winasên zî nêmend.''

Fatma Zinar eşkera kerd ke her roje bi hawanan hêriş yeno kerdene û vat: ''Domanê ma mirenê. Keyeyê ma, baxçeyê ma talan bîyî. Heywanê ma pêro kişîyayî, çîyêk ma de nêmend. Erdoganî Girê Sipî, Efrîn û Serêkanîyê îşxal kerd. La qîm nêkerd nika zî hêrişê ma keno.''