Xeylêk şaristananê Herêma Cizîre de hêrişê îşxalî yê dewleta tirke yê vera Başûrê Kurdîstanî û Mexmûrî ameyî protestokerdene.

Kampa Serêkanîyê

Koçberan hêrişê vera Mexmûrî şermezar kerd. Çalakîye de alaya Kongreya Starî û QSDyî ameye berzkerdene. Çalakîye de venga dezgehan ê mîyanneteweyîyan dîya ke wa verê hêrişanê Tirkîya bigêrê.

Til Temir

Roniştoxanê Til Temirî, dezgehanê sivîlan, partîyanê sîyasîyan pê çalakîya rayraşîyayîşî hêrişê vera Kampa Mexmûrî û hêrişê vera Herêmanê Pawitişî yê Medya şermezar kerdî.

Girkê Legê

Roniştoxanê Girkê Legê pê çalakîya rayraşîyayîşî dewleta tirke şermezar kerde û xoverdayîşê gerîlayan selam kerd. Çalakîye pê sloganan qedîyaye.

Kampa Waşokanî

Bi seyan roniştoxanê Kampa Weşokanî pê fotografanê Rayberê Şarê Kurdî û alaya PYD û Kongreya Starî çalakîyêke kerde. Çalakîye de ame vatene ke PDK paştî dano Tirkîya û armancê dewleta tirke îşxalê Başûrê Kurdîstanî yo.

Tirbêsipîyê

Çalakîya rayraşîyayîşî ya Tirbêsipîyê de pankarta 'Şorişê ma rûmetê ma yo' ameye akerdene. Çalakîye de hêrişê dewleta tirke yê vera Herêmanê Pawitişî yê Medya û Mexmûrî pê sloganan ameyî şermezarkerdene. Çalakîye de venga pêro kurdan ame dayene ke wa vera dewleta tirke vejîyê meydanan.