Hêrişê dewleta tirke ya îşxalkere û çeteyanê ci  yê vera Rojawanî dewam kenê.  Îşxalkeran dormeyê Pirdê Qereqozaqî  yo ke başûrê Kobanê de yo, bi obusan da bombayan ver. Pirdê Qereqozaqî  yo ke wird hetanê Çemê Firatî resneno  pê, resê mabênê Kantonê Firatî û Mibicî ano ca.

Dewleta tirke ya îşxalkere dewê El Cerad, Um Celûd, Til Torin, Farat, El Seyada û El Dendaniye yê Minbicî bi havanan û obusan dayî bombayan ver.

Dewa Faratî de cinîya bi nameyê  Nedîma El Hisên El Hemûd (45) şehîde bîye û cinîya bi nameyê Seîda El Ferec (45) zî bi giranî birîndar bîye. Dewa Ereb Hesenî de zî cinîya bi nameyê Sara Hac Hisên (30) birîndar bîye.

Şarê Efrîn û kanotnê Şehba rîyê qirkerdiş û hêrişê dewleta tirke û çeteyanê ci ra herra xo ra vejîya bi. Dewleta tirke û çeteyê ci bananê şarî talan kenê û danê adirî ver.

Bajarekê Fafînî yê Şehba ra dîmenê ke resayî ANHA înan de yeno vînayene ke çeteyî banan senî vêşnenê û talan kenê.