Hêrişê îşxalî yê dewleta tirke yê vera Rojawanê Kurdîstanî dewam kenê. Hêrişan de banê şarî yenê hedefkerdene.

Şaristanê Til Rifetî dîya bombayan ver.

Dewa Exîbişî ya Til Temirî dîyaye bombayan ver û tîya de cinîye Şemsa Newaf El Qenas (30) birîndar bîye.

Dewa Xirb Sûqiye ya Tirbespiyê de banê keyeyî dîyayî bombayan ver.

Dormeyê Dêrikî dîya bombayan ver.

Amûdê de 8 kesî bombardumanan de birîndar bîyî: Dara Elî Teter, Bariya Xelîl Tewfîq, Ekrem Bîco, Fewazî Silêman, Alan Îbrahîm, Hember, Mesûd, Xalid Selman Macid.

Goreyê eşkerayîya Fermandarîya Pêroyî ya Hêzanê Asayîşê Zereyî zî bîlanço wina ya:

Şehba de dewê Tinib, Ebîn, Soxanekê, Hirbil, Eqîbe, Bênê, Til Qirah, Bêlûniyê, Kefer Garis, Til Rifetî dîyayî bombayan ver.

Amûdê de 3 endamê Asayîşê Zereyî û 8 sivîlî birîndar bîyî.

Til Temir de embarêk û dewa Exibîşî dîyayî bombayan ver.

Dêrik de îstasyonî dîyayî bombayan ver.

Dewê Girê Sipî û Eyn Îsayî dîyayî bombayan ver.

Merkezê Îrtîbatî û Çapemenîye yê Meclîsê Leşkerî yê Minbicî zî da zanayene ke dewleta tirke ya îşxalkere baregehanê xo ra noqtayê asayîşî dayî bombayan ver, domanêk şehîd bîyo û xeylê kesî birîndar bîyê. Meclîsî pare kerd ke ê do vera nê hêrişan heqê xo yê pawitişî bişuxilnê.