Dewleta tirke û cerganê ci hêrişê dewa Arîda ya Girê Sipî kerd. Şerwananê QSDyî cewab da hêrişan û netîce de cergêk ame kiştene û 2 cergî zî birîndar bîyî.

Binpaykerdişê Adirbirnayîşî û Qetilkerdişê Sivîlan

Dewleta tirke ya îşxalkere binê peymana adirbirnayîşî de zî hêrişanê xo dewam kena. Nê hêrişan de zafê înan domanî bi desan sivîlî ameyî qetilkerdene.

Merkezê Îrtîbatî yê QSDyî 3ê kanûne de bîlançoya 47 rojan eşkera kerde û pare kerd ke dewleta tirke 147 rey sivîlan ser o bombayî varnayî, tewr tay 42 rey bi teyarayanê şerî yê bêmerdiman hêriş kerd û 68 sivîlî qetil kerdî. 17ê teşrîna verêne ra heta 2ê kanûne 214 sivîlî birîndar bîyî.

Dewleta tirke ya îşxalkere 2ê kanûne de sivîlanê Til Rifatî ser o bombayî varnayî û 8ê înan domanî 10 sivîlî qetil kerdî.