Komîteya Banderîye û Perwerdeyî ya Hesekê dîploma da 550 mamostayanê ke perwerdeyê xo yê kurdkî qedînayî. Seba mamostayanê ke Akademîya Şehîde Roza Cûdî ya Dirbesîyê qedînaye merasîmê dîplomayî ame serûberkerdene. Zaf mamostayî û temsîlkarê dezgehanê komelkîyan ê sivîlan tewrê merasîmî bîyî. Merasîmî bi deqayêkê rêzgirewtişî dest pêkerd û Endamê Komîteya Îdareyanê Dibistanan ê Hesekê Raman Hesafî û Hemserekê PYDyî yê Dirbesîyê Suleyman Xelîlî merasîm de qisey kerd.

Qiseykerdişan ra dima 550 mamostayan rê dîplomayê ci ameyî dayene.