Cerganê DAÎŞî 20ê çeleyî de eştbi serê Zîndanê Sinaa yê Hesekê û xîret kerd ke cerganê tepişteyan biremnê.

Îdareyo Xoser îfade keno ke dewleta tirke raşra raşte mîyanê nê hêrişî de ya. QSDyî eşkerayîya xo ya şewdirî de dabi zanayene ke înan 9 personelê ke DAÎŞî rehîn girewtbî xelisnayî.

24ê çeleyî de 300 cergî teslîm bîyî û bi desan cergî ameyî kiştene. Hêzanê Rojawanî dormeyê zîndanî zî girewt binê kontrolî.

Goreyê bîlançoya ke Merkezê Îrtîbatî yê QSDyî ewro da 250 cergê bînî zî teslîm bîyî. Goreyê naye heta nika 550 cergî teslîm bîyî.

QSD û Hêzê Asayîşê Zereyî operasyonê xo rê dewam kenê. Şerwanî taxanê vengkerdeyan de tek tek dekewenê keyeyan û gêrenê cerganê ke no nimnenê. Dîmenê nê helan hetê kamerayanê ANFyî rê ameyî qeydkerdene.