Merkezê Îrtîbatî û Çapemenîye yê HPGyî nasnameyê di şehîdan eşkera kerdî. Eşkerayîye wina ya:

‘’Ma 27ê nîsana 2025î de eşkerayîya xo de dabî zanayene ke artêşa tirke ya îşxalkere 11ê nîsane de Herêma Şehîd Delîlî ya Rojawanî de bi çekanê kîmyewîyan hêrişê mewzîyanê ma yê şerî kerdo û tîya de embazê ma Besê û Mîtra xoverdayîşê fedayîyî ra dima şehîd bîyê.

Embazê ma Besê û Mîtra Warê Xoverdayîşî yê Girê Cûdîyî de bîyî temsîlkarê milîtanîya apogîre. Embazê ma bîyî neferê xoverdayîşî yê ke tarîxî şahîdîya nê xoverdayîşê esîlî kerda.

 Keyeyê embazanê ma Besê û Mîtra seba ke ewladê winayênî weye kerdî çend sereberz bibê zî tay o. Ma sere de keyeyanê embazanê xo yê ercîyayeyan rê pêro şarê Kurdîstanî yê welatperwerî rê serweşîye wazenê. Ma soz danê ke şerwanîya xelayanê embazanê xo bikerê. 

Nasnameyê embazanê ma yê şehîdan wina yê:

Nameyê Qodî: Besê Têkoşîn Name û Peyname: Zehra Zelal Araz Cayê Bîyayîşî: Mersin Maye-Pî: Avaşe – Seyîtxan Tarîx û Cayê Şehadetî: 11ê Nîsana 2025î / Zap

 

Nameyê Qodî: Mîtra Kato Name û Peyname: Sara Eskerî Cayê Bîyayîşî: Salmas Maye-Pî: Lale – Kerem Tarîx û Cayê Şehadetî: 11ê Nîsana 2025î / Zap

 

Embaza ma Besê mîyanê keyeyêkê sêwregijî de Mersîn de dadîya xo ra bena. Embaza ma domanîya xo de têgêrayîşê ma şinasnena. A 2011 de bi şehadetê dezayê xo Egîd Siverek - Ferit Araz bitesîr bena û 2013 de Cûdî ra tewra gerîlayan bena. Embaza ma Besê Herêmanê Pawitişî yê Medya de perwerde vînena û tewra xebatanê pratîkî bena. A fermandaranê ma yê serkêşan Azê Malazgîrt, Leyla Sorxwîn û Delale Amed reyde manena û tim xo aver bena. A 2016 de tewra Hêzanê Taybetan bena. Embaza ma Besê tim perwera şehîda bena, xoverdayîş de refanê vernîyan de cagêna û tewra çalakîyanê serkewteyan bena.

 

 

 

Embaza ma Mîtra şaristanê Salmasî yê Rojhelatê Kurdîstanî de dadîya xo ra bena. A verê polîtîkayanê asîmîlasyon û îmha de kewena peyê cigêrayîşan û partîya ma şinasnena. Embaza ma Mîtra wexto ke zanîngeh de ekonomî wanena bi qerardarî 2013 de verê xo dana koyan û bena gerîla. Embaza ma şerê vera DAÎŞî de cagêna û derbanê giranan dana çeteyanê DAÎŞî ro. A 2021 de verê xo dana Herêmanê Pawitişî yê Medya. Embaza ma waranê şerî yê giranan de têkoşîn kena û bena milîtananê Apogîran ê xurtan ra yewe. Embaza ma pêro erk û mesuldarîyanê xo ana ca, heta nefesê xo yê peyênî xo ver dana û şehîd bena.’’