Hêzanê Xelisnayîşê Efrînî (HRE) derheqê çalakîyanê 1-3ê hezîrane de pê eşkerayîyêke agahîyî dayî. Eşkerayîye wina ya:

''Mabênê 1-3ê hezîrane de çalakîyê cewabdayîşî û bitesîrî ameyî kerdene. 1ê hezîrane de  Mar de vera noqtayêka îşxalkeran çalakîya bi drone ameye kerdene. Hûmara kişte û birîndaran nêameye zelalkerdene. Dewa Daglibaşî ya Babî de hêzanê ma vera îşxalkeran çalakîyêke kerde. Çalakîye de 2 cergî kişîyayî û doçkayêke ameye îmhakerdene. 2ê hezîrane de dewa Keferxweşî ya Ezazî de vera îşxalkeran çalakîyêke ameye kerdene. Hûmara kişte û birîndaran nêameye zelalkerdene. Heman roje dewanê Gobelê û Basilê yê Efrînî de vera konvoyê artêşa tirke çalakîya sabotajî ameye kerdene û wesayîto zirxîn û wesayîtê kîrpî ameyî îmhakerdene, 8 îşxalkerî kişîyayî, 3 leşkerî zî birîndar bîyî.

3ê hezîrane de dewa Basufanî de vera leşkeranê îşxalkeran çalakîyêke ameye kerdene û çalakîye de 4 leşkerî kişîyayî, 4 leşkerî zî birîndar bîyî. Efrîn de vera kargehê gazî yê cergan çalakîya sabotajî ameye kerdene û kargeh ame îmhakerdene.

Nê çalakîyan de bi temamî 12 leşker û 2 cergî kişîyayî, 7 leşkerî zî birîndar bîyî.''