Hêzanê Xelisnayîşê Efrînî (HRE) bi eşkerayîyêke da zanayene ke hêzanê înan Ezaz, Bab û Şêrawa de vera artêşa tirke ya îşxalkere û cerganê ci çalakîyê bitesîrî kerdê.

Eşkerayîye de nê agahîyî ameyî parekerdene:

''7ê temmuze de, herêma Babî de di baregehê artêşa îşxalkere hetê hêzanê ma ra ameyî hedefkerdene û 2 leşkerê îşxalkerî birîndar bîyî û cergêk kişîya.

10ê temmuze de dewa Kibeşînî ya Şêrawa de, hêzanê ma da baregehê îşxalkeran ro û çalakîye de 6 cergî kişîyayî û dest nîka çekêka AK-47î ser. Ezaz de zî çalakîyêke de 1 leşker kişîya, 2 leşkerî zî birîndar bîyî.

29ê temmuze de mabênê Marê û Ezazî de hêzanê ma da baregehê îşxalkeran ro. Netîceya çalakîyanê hêzanê ma de 5 cergî kişîyayî, 4 cergî birîndar bîyî, dest nîyan xeylêk çekan ser û 3 motorsîkletî zî ameyî îmhakerdene.

31ê temmuze de dewa Birc Heyderî ya Şêrawa de netîceya çalakîya hêzanê ma de 3 cergî kişîyayî. Na çalakîye de hêzanê ma dest na çekêka AK-47î, şarjor û rextan, dûrbînêk û telefonêkî ser. Heman roje Şêrawa de reyna 4 cergî birîndar bîyî.

Netîceya nê çalakîyan de 1 leşker û 15 cergî kişîyayî, 4 leşker û 8 cergî birîndar bîyî. Nê çalakîyî seba qesasê şehîdanê Pûşperê ameyî kerdene.''