Hêzanê Xelisnayîşê Efrînî (HRE) bi eşkerayîyêka nuştekîye nê zanayîşî dayî:

''Roja 26ê adere de hêzanê ma dewa Omera ya qezaya Şera de vera cerganê artêşa îşxalkere çalakîyêka sereştişî kerde. Netîceya na çalakîye de 3 cergî kişîyayî. 1ê nîsane de hêzanê ma rayîrê dewa Birc Heyderî yê qezaya Şêrawa de vera wesayîtê berpirsîyarê cergan ê bi nameyê Ebu Xalid çalakîyêka sabotajî kerde. Netîceya na çalakîye de Ebu Xalid û 3 cergî kişîyayî, cergêk birîndar bi, wesayît zî ame îmhakerdene. Hêzanê ma taxa Mehmûdîye ya Efrînî de vera cerganê artêşa îşxalkere çalakîyêka sabotajî kerde. Netîce de zerarê madîyî resayî cergan ser.

Temamîya çalakîyanê hêzanê ma de 6 cergî ameyî kiştene, cergêk birîndar bi û wesayîtêk ame îmhakerdene.

Hetê bînî ra artêşa îşxalkere dew û qezayanê herêma Efrînî û Şehba ser o bi hawayêkê bêmabênî bombayan varnena û herême de têgêrayîşê teyarayanê bêmerdiman dewam kenê.''