Hêzanê Xelisnayîşê Efrînî pê eşkerayîyêke bîlançoya 6 mengan eşkera kerde. HRE da zanayene ke 6 mengan de 31 leşkerî, 2 ahanê MÎTî û 79 cergê dewleta tirke ameyî kiştene.

HRE eşkerayîya xo de pare kerd ke dewleta tirke îşxal, talan û vurnayîşê demografîya Rojawanî rê dewam kena û vera şaranê herême hêrişan kena.

Eşkerayîya HRE de nê doneyî ameyî dayene: ''Hêzanê ma 6 menganê destpêkan ê 2021î de vera artêşa tirke ya îşxalkere û cerganê ci 67 çalakîyî kerdî. Nê çalakîyan de 1ê ci serleşker 31 leşkerî kişîyayî, 27 leşkerî ameyî birîndarkerdene. 2 endamê MÎTî ameyî kiştene, 2 endamê MÎTî ameyî birîndarkerdene, personelêkê artêşa tirke kişîya. 2ê ci sercergî 79 cergî kişîyayî, 83 cergî ameyî birîndarkerdene.

Nê çalakîyan de 19 wesayîtê leşkerî, 1 wesayîtê karî, 2 motorî, 2 wesayîtê zirxînî, 4 doçkayî, 2 dûrbûn, 1 hacetê bêtelî ameyî îmhakerdene. 2 baregehê cergan ameyî îmhakerdene û 2 wesayîtî ameyî derbkerdene. Nê çalakîyan de dest nîya 1 BKC, 3 AK-47, 1 dûrbûnê şewe, 1 bêtêl û 3 telefonî ser.

Artêşa tirke ya îşxalkere destpêkê serra 2021î ra heta nika bi seyan reyî herême daye bombayan ver. Nê bombardumanan de 4ê ci domanî 8 welatîyî şehîd bîyî û 11 sivîlî birîndar bîyî. Hetê bînî ra cerganê îşxalkeran 3 reyî hêrişê herême kerd.

Hêrişanê artêşa îşxalkere û komanê cergan de 5 embazê ma şehîd bîyî.''