Hêzanê Xelisnayîşê Efrînî (HRE) eşkera kerde ke Efrîn de vera artêşa Tirkî û çeteyanê ci çalakîyî ameyî viraştene, 16 îşxalkarî ameyî kiştene.

Eşkerayîye de derheqê çalakîyan de nê detayî ameyî dayene: ''31’ê Tebaxe de dormayê dewa Basufanê ya qezaya Şêrawa de çalakîyek ameye viraştene, wesayîto zirxin pîya bi 4 eskeranê ke tedebî ameyî îmhakerdene.1’ê Êlule de zî vera artêşa Tirkî û çeteyanê ci yê ke waştêne hêrişê dewanê Malikiye û Kela Şewarîxa yê qezaya Şera bikerê, hêzanê ma vera înan di çalakîyê sabotajî viraştî, 4 îşxalkarî ameyî kiştene 3 zî birîndar bîyî. Reyna çalakîya 29’ê Tebaxe ya ke ma verî dayebî eşnawitene ke dewa Basûfanê ya qezaya Şêrawa de ameye viraştene de goreyê zanayîşan 8 îşxalkarî ameyî kiştene.''