Hûmara kesan a ke teqayîşê Ezazî de merdê bîye 19
Ezazo ke hetê dewleta Tirkî û çeteyanê ci ra ameyo îşxalkerdene de, bi wesîyîtêkê bombabarkerdeyî vizêr hêrişêk amebi kerdene. Goreyê bîlancoyê peyênî tewr kêmî 19 kesî merdî.
Dezgehê Ewnîyayîşê Heqanê Merdiman ê Sûrîye da zanayene, hûmara kesan a ke rîyê teqayîşê Yewşeme yê Ezazî de merdê bîye 19 kesî. Dezgehê Ewnîyayîşî da zanayene, 20 ra zêdeyî kesî zî bî birîndar.
Goreyê bîlançoyê verênî, çimeyanê cayîyan daybî zanayene ke 16 kesî merdî. Heta nika kesî berpirsîyarîya hêrişî nêgirewte xo ser.
