Karkerê Şaredarîya Îzmîrî grev de yê: Pêvînayîşî berdewam ê
Îzmîr de seba ke pêvînayîşanê bînan ra netîce nêvejîyaye karkerê Şaredarîya Îzmîrî hewt rojî grev de yê. Pêvînayîşê mabênê karkeran û selahîyetdaranê şaredarîye dewam kenê.
Dima ke pêvînayîşê mabênê Sendîkaya Genel-Îşî yê DÎSKî û Şaredarîya Îzmîrî ser nêkewtê karkeran dest bi grevî kerd û 7 rojî yo karkerî grev de yê.
Karkerî ancî Kulturpark de kom bîyî û sloganê sey ‘’Seba karê têdûştî û meaşê têdûştî’’ û ‘’Ma do bi xoverdayîşî ser bikewê’’ vatî.
Temsîlkaranê sendîka dîyar kerd ke seba ke şaredarîye zêdînayîşê meaşan taloqê temmuze kerdo pêvînayîşî vindertî. Karkerî wazenê ke wa wextê ci de meaşî bêrê zêdekerdene.
