KCDK-E derheqê hêrişanê vera Rojawan, Şingal û Herêmanê Pawitişî yê Medya de eşkerayîyêke daye. Eşkerayîye wina ya:

''Artêşa tirke ya faşîste şanê 24ê teşrîna verêne de hêrişê Qamişlo, Kobanê, Minbic, Dêrik, Til Temir, Girê Sipî, Şingal û Herêmanê Pawitişî yê Medya kerd. Nê hêrişanê qirkeran ê dişmenî de sivîlî yenê hedefkerdene û domanî zî tede 6 kesî ameyî qetilkerdene. Heta nika bi seyan sivîlî zî birîndar bîyî. Bombarduman de hêrişê merkezanê weşîye, santralanê ceyranî û waranê cuye zî ameyî kerdene.

Sey her wextî Amerîka, Ewropa û hêzê mîyanneteweyî zî vera qirkerdişanê dewleta tirke bêveng ê.

Roje roja wayîrvejîyayîşê erdê ma û xoverdayîşê Rayber Apoyî ya. Vera nê hêrişanê qirkeran ma venga şarê xo danê ke nêrazîbîyayîşê xo bimojnê û xoverdayîşî pîlêr bikerê.

Sey KCDK-E ma hêrişê qirkerdişî yê vera sivîlan şermezar kenê û venga şarê xo danê ke her ca de nêrazîbîyayîşê xo bimojno, seba teşhîrkerdişê dewleta tirke, Erdogan û îtîfaqê faşîstî bi ruhê seferberî vejîyê waran.''