Keyeyê Êzidîyan ê Kantona Cizîrî ya Rojawanê Kurdistanî 13 Êzidî yê ke destê DAÎŞ’î ra xelisnayê, teslîmê Meclîsê Xoserê Demokratîkî yê Şengalî kerdî. Yeno pawitene ke Êzidîyê ke destê DAÎŞ’î ra ameyê xelisnayene ewro derbazê Şengalî bêrê kerdene.
Nê demanê peyênan de hetê şerwananê QSD’yî ra hemleya qedênayîşê DAÎŞ’î de xeylî Êzidîyê ke demê fermanê 3'ê Tebaxe 2014 de hetê DAÎŞ’î ra ameybî remnayene ameyî xelisnayene û Kampa Holî ya Hesekê de ameyî cakerdene.
Keyeyê Êzidîyan ê Kantona Cizîrî bi hetkarîya rayberîya kampe xeylî Êzidî tespît kerdî û resnayî keyeyê înan. Ewro zî 13 cinîyî û domanê Êzidî yê ke mîyanê kampe ra ameyî vetene û teslîmê Komîteya Meclîsê Xoserê Demokratîkî yê Şengalî kerdî.
Kesê ke ameyê xelisnayene:
Fehed Qasim (15) Qabûsî (teba di domanê ci yê bi nameyê Hîda 6 serre û Xelat 5 serrî)
Şaha Revo (30) Tilezêr
Zîna Îbrahîme (19) Tîlbenat
Navîn Derwêşe (24) Şengal
Cîlan Coqî (11) Tel Ezêr
Wetfa Nayîfe (10) Telezêr
Heval Reşo (12) Solax
Leyîla Sado (20) Şengal
Heyîfa Sado (16) Rembûsî
Hazim Hiseyîn (17) Rembûsî
Îsra Mistefa (22) Koço
