Yewinanê Antî-Terorî (YAT) ê Meclîsê Leşkerî yê Minbicî eşt keyeyê ajanêkê MÎTî ser.

YATî derheqê babete de na eşkerayîye daye: ''3ê çeleyî de ma kesê bi nameyê Xalid Mihemed Selame (Ebu Udey)o ke ajanê MÎTî yo Minbic de tepişîya. Eşkera bi ke nê kesî koordînatî dayêne MÎTî, cayêk de mayînêk ca kerdo, cebilxane nimnayo. Şahîdan zî îtîraf kerd ke mabênê nê kesî û MÎTî de têkilîye esta. Wird cinîyanê nê kesî zî îtîraf kerd ke nê kesî amadekarîye kerdêne ke Sekreterê Partîya Ameyoxê Sûrîye Ebu Arac Minbic de bikişo.

Keyeyê nê kesî de mîqdarêk çek û madeyê tîryakî ameyî dîyene û hêzanê ma dest na yê nê çîyan ser: Kalaşnîkov (2), BKC (1), malzemeyê kalaşnîkovî (8), RBC (2), B7 (2), guleya B7 (3), Kalaşnîkovo bêveng(1), hacetê çeka klaşinkov (2), zincîrê BKC (3), mayînêkê erdî (1), madeyê tîryakî (3 kg).''