Kantonê Kobanê yê Rojawanî de rayberîya Yewîya Cinîyan ê Ciwanan û Têgêrayîşê Ciwanan ê Şorişgêran de serrgêra Komployê Mîyanneteweyî yê vera Rayberê Şarê Kurdî Abdullah Ocalanî çalakîya xeyme dîyabî destpêkerdene. Çalakîye roja 2. de bi şîarê 'Ma pê ruhê xoverdayîşê zîndanî komplo û faşîzm birijnê, Rayber Apo azad bikerê û ser bikewê' dewam kena. Meclîs û dezgehanê Til Xezal û Taşlogî çalakîye dewr girewte.

Endama Yewîya Cinîyan ê Ciwanan Perwîne Xelîl vat: ''Ma Komployê 15ê Sibate şermezar kenê. Ma çalakîya 3 rojan ra dima rayraşîyayîşêk bikerê. Çalakîyê ma heta ke Rayber Apo azad bibo do dewam bikerê. Ma do sey cinîyan ê ciwanan bingeyê felsefeya Rayber Apoyî ser o şorê. Ma do emser bikerê serra serkewtişî.''

Koordînasyonê Yewîya Cinîyan ê Ciwanan ra Dilbere Yusuf wina vat: ''Ma sey cinîyan ê kurdan serkewtiş tacîdar bikerê. Seba azadîya Kurdîstan û Rayber Apoyî ma ganî têkoşîn pîl bikerê. Ma do bingeyê felsefeya Rayber Apoyî deşorê.''