Kobanê: Keyeyo ke Abdullah Ocalan tede mend ame bombardumankerdene

Bajarê Kobanê yê Rojawanî de yew keyeyo ke Rayberê Şarê Kurdî Abdulalh Ocalan tede mendbi raştê hêrişê hewayî ame.

Rayberê Şarê Kurdî Abdullah Ocalan 1979 de gama ke Vakurê Kurdîstanî ra ravêrt Rojawan  Kobanê de dewa Elpelorê de wextêk mend. Nê keyeyî rê ewro hêrişê hewayî ame kerdene.

Ame musayene ke hêriş hetê wesayîtanê hewayî yê bêmerdiman ê dewleta tirke ra ame kerdene. Netîceya hêrişî de xesaro madî ame meydan.

Komîteya Rayberîye rê Azadîye yê Rojawanî ke derheqê babete de ANHA rê qisey kerd no hêriş sey teberê merdimîye name kerd û şermezar kerd. Komîte ard ziwan ke dewleta tirke seba ke fikrê azadî ra tersena wina hêrişan kena û vat şarê kurdî û dostê înan do nê prosesî de wayîrê Rayberîye û ercanê xo vejîyê.