Komîteya Koçberan bîlançoya îşxalê dewleta tirke yê vera Girê Sipî û Serêkanîyê ya 3 serran eşkera kerde. Vervatoxê Têkilîyanê Komîteya Koçberanê Serêkanîyê Ciwan Îsoyî eşkerayîye wende.

Îsoyî vat: ''Îşxalî ra heta nika Girê Sipî û Serêkanîyê de 68ê ci cinî û 42yê ci domanî 511 kesî ameyî tepiştene, 185 kesî ameyî remnayene, 325 kesan rê îşkence ame kerdene û tewr tay 5 kesî binê îşkenceyî de kişîyayî, 92 kesî ameyî remnayene bi Tirkîyan, 48 kesan rê Tirkîya de cezaya muebede dîyaye, 11 cinîyî zî tede 56 kesî ameyî qetilkerdene û 11 kesî zî ameyî dardekerdene.

Se ra 85 roniştoxê Serêkanîyê hema zî nêagêrayî keyeyanê xo. 2 hezar û 500 keyeyê xerîbî Serêkanîyê de ameyî cakerdene. 55 keyeyê DAÎŞî yê Iraqî Serêkanîyê de ameyî cakerdene. Îşxalkeran dest na tewr tay 5 hezar û 500 banan ser, hezar û 200 dikanan ser. 55 dewî ameyî vengkerdene, dest nîya tewr tay mîlyonêk donim erazî ser.

Herême de asayîş çin o, tewr tay 72 teqayîşî qewimîyayî û nînan de 145 sivîlî ameyî kiştene, tewr tay 300 kesî birîndar bîyî. 46 reyî komê OSOyî kewtî pê û nê pêkewtişan de tewr tay 3 hemwelatîyî ameyî kiştene û tewr tay 25 kesî zî birîndar bîyî.

Sûcê ke herême de ameyê kerdene, na bîlanço ra zêdeyêr ê.''