Qamişlo de pê şîarê 'Pê yewîya neteweyî ma do îşxalî çin bikerê û rayîrê nêdê şerê zereyî' KNK-Rojawanî komxebatêke kerde. Xeylê partîyê kurdan, komele, rêxistin, rîsipî û kesayetî tewrê komxebate bîyî. La ENKS û PDKS tewrê ci nêbîyî.

Birê ke komxebate de ameyî girewtene wina yê:

-Ganî pêro astengîyê vera dîyaloganê kurdan bêrê wedaritene.

-Ganî şerê zereyî yê kurdan bêro heramkerdene.

-Seba çinkerdişê îşxalî û vindarnayîşê mudaxeleyê Tirkîya ganî tewirê rayaumûmîye yê Kurdîstanî bêro xurtkerdene.

-Ganî seba pêkerdişê kurdan mesuldarîyî bêrê caardene.

-Terefê kurdan ganî hemleyanê çapemenîya propaganda ra fek vera bidê.

-Ganî kurdî meseleyanê xo pê dîyalogan çareser bikerê.

-Seba pawitişê kurdan ma venga PDKyî danê ke hêzanê xo meşawê herêmanê şerî.

-Pê armancê pawitişê destkewteyanê kurdan ganî Kongreya Neteweyîye bêra kerdene.