Kongreya Starî bi wesîleya Roja Kobanê ya Dinya ya 1ê Teşrîna Peyêne eşkerayîyêke daye.

Eşkerayîye bi kilmî wina ya: ''Kobanê 7 serrî verî hetê cerganê DAÎŞî ra gêrîyabî binê ablûqa, raşta hêrişî ameye. Xoverdayîşê şarê Kobanê bi taybetî xoverdayîşê cinîyan vengêko pîl vet û tabloyo bêhêvî wedarna. Çar hetanê dinya ra merdimîyî ameyî ke paştî bidê Kobanê.

Xoverdayîşê YPG-YPJyî, destekê şaranê dinya bîyî destpêkê rijîyayîşê Kobanê. Serkewtişê vera DAÎŞî têna serkewtişê Kobanê nê serkewtişê pêro dinya bi. Hetê bînî ra pê xoverdayîşê DAÎŞî paştdayîşê dewleta tirke yê vera Kobanê ame îsbatkerdene. Dewleta tirke nêeşkaye planê rijnayîşê şorişê sîstem û cinîyan bîyara ca. Arîne Mîrkana ke morê xo da binê xoverdayîşê Kobanê heta peynîya guleyanê xo şer kerd û pê çalakîya xo ya fedayîye bîye sembola xoverdayîş û cesaretî.

Dewleta tirke qetî binkewtişê DAÎŞî qebul nêkerd. Coka hema zî DAÎŞî herême de se kerdo kena û hêrişê Kobanê kena. Dewleta tirke 23ê hezîrana 2020î de hêrişê dewa Hêlincê kerd û yew ci endama Kongreya Starî 3 embazê ma şehîd kerdî. Ma ewro zî benê şahîdê nê hêrişan ê bi teyarayanê bêmerdiman. Armancê nê hêrişanê Tirkîya têna no yo ke qesasê DAÎŞî bigêra û îradeyê şarî çin bikera.

Hêrişan û gefanê dewleta tirke yê vera sivîlan reyde Kobanê û Rojawan de xoverdayîş dewam keno. Ma venga pêro hêzanê haştîye, demokrasî û rêxistinanê cinîyan danê ke dormeyê xoverdayîşî de kom bê û wurzê we.''