Hêrişê îşxalkarîye yê dewleta Tirkî yê verba Vakur û Rojakewtena Sûrîye dewam kenê. Şervanê QSD'yî zî bi xoverdayîşêko pîl verba hêrişanê îşxalkarîye yê dewleta Tirkî vindenê.

Sivîlê ke şaristananê cîyayan ê Vakur û Rojakewtena Sûrîye ra vizêr seba paştdayîş û wayîrvejîyayîşê xoverdayîşî verê xo dayî Serêkanîye, bîyî hedefê artêşa Tirkî ya îşxalkare û çeteyanê aye.

Rîyê hêrişî ra 11 kesan wefat kerd, tewr tay 78 kesî birîndar bîyî. Birîndarî ameyî berdene bi nêweşxaneyanê cîyayan ê herême. Çend birîndaran zî ANF'yî reyde qisey kerd.

Birîndaran ard ziwan  ke şarê Kurdî Vakur û Rojakewtena Sûrîye de şaranê bînan reyde mabênê yewîye û pêkerdişî de yê û vat: "Ma do erdê xo kesêkî ra nêverdê û ma do heta peynîye têkoşînê xo bikê."

h