Qamişlo de kurdê misilmanî, êzidîyî, erebî, sûryanî û asûrî pîya tewrê şorişî bîyî. Şaranê şaristanî îfade kerd ke pê fikr û felsefeya Rayberê Şarê Kurdî Abdullah Ocalanî înan cuyêka newîye afernaye. Roniştoxanê Qamişloyî ANFyî rê qisey kerd û hîsê xo ardî ziwan.

Ebdulkerîm Abdulrehmano ke kurd o vat: ''Mi Rayber Apo serranê 90an de şinasna û kesayetê mi de vurîyayîşê pîlî qewimîyayî. Fikrê Rayber Apoyî pawitişê vera qirkerdişî yo û xeta merdimîye ya.''

Garabet Manoko ke armenî yo vat: '' Ma pê felsefeya Rayber Apoyî, pê sîstemê îdareyî yê neteweya demokratîke Qamişlo de şoriş ard ca. Pêro way û birayanê Qamişloyî pîya morê xo da binê şorişî.''

Nûra Henaya ke  sûryan a vat: ''Dima ke Sûrîye de alozîye dest pêkerde Îdareyo Xoser ronîya. Ma dî ke ma eşkenê pê fikr û felsefeya Rayber Apoyî ser bikewê.''

Ebdulwehab Cemîlo ke ereb o vat: ''Serranê 80an de mi kitabê Rayber Apoyî 'Eşqê Kurdan' wend. Mi dî ke Rayber Apo wazeno pêro şarî pîya biciwîyê. Pê fikrê Rayber Ocalanî ma dî ke ma eşkenê têdûştîya mîyanê komelî bîyarê ca.''