Rojawan: Mayan semedê pîlkerdişê xoverdayîşî veng da

Keyeyê şehîdan ê Qamişlo, Dêrik, û Tirbêsipîyê hemleya KCKyî selam kerde û veng da ke wa şarê kurdî vera hêrişanê dewleta tirke amade bo.

Rojawan de Hemleya 'Tecrîd, Faşîzm, Îşxalî rê Bes o, Wext Wextê Azadîye yo' ya KCKy ameye selamkerdene. Mayanê şehîd û gerîlayan ê Qamişlo, Dêrik, û Tirbêsipîyê da zanayene ke ê vera hêrişê îşxalî yê dewleta tirke yê vera Başûr û Rojawanê Kurdîstanî çalakîyanê xo yê sîvîlan danê destpêkerdene.

Mayê ke Şehîdgehê Şehîd Delîl Saruhanî yê Qamişlo de ameyî têhet eşkerayîye daye. Reyna Dêrîk û Tirbêsipîyê de zî bi eynî waştişî eşkerayîyî ameyî dayene. Mayanê şehîd û gerîlayan bale ante ser ke hêrişê dewleta tirke şarê herême hedef genê û vat ganî vera nê hêrişan çalakîyê sîvîlî bêrê kerdene. Mayan vist vîrî ke dewleta tirke sere de doman û cinîyan qetil kena û seba ke rayapêroyîya mîyanneteweyîye vera nê hêrişan bêveng o hêrişî zêdîyenê. Mayan ard ziwan ke komelê mîyanneteweyî û hukmatê Başûrî vera kurdan wezîfeyê xo nêano ca. Mayan veng şarê kurdî ke wa vera hêrişanê dewleta tirke amade bo û waranê şerî de ca bîgero.