Şewa 28-29ê tebaxe koma bi 7 gerîlayan wexto ke Qendîlî ra derbazê herêma Behdînanî bîyêne serê Awa Zapî de raştê hêrişê hêzanê PDKyî ameybî. HPGyî derheqê hêrişî de 3ê teşrîna verêne de eşkerayîye daye û da pêhesnayene ke 5 gerîlayî şehîd bîyî û gerîlayêk zî esîr kewto dest.

Meclîsê Keyeyanê Şehîdan ê Herêma Cizîre zî semedê girewtişê cenazayanê gerîlayan ê ke şehîd bîyî 5ê teşrîna verêne de verê Berê Sinorî yê Sêmalka de dest pê çalakîya bêdemî kerdbi. Çalakîye 19 rojî xo dima verdayî.

Dayîkan waşt bi mektûbêke selahîyatdaranê PDKyî ra cenazayanê xo biwazê la hêzanê PDKyî di rey verê dayîkan pê tifingan girewt û mektûba înan nêgirewte.

Dayîkan ra Xerma Elî û Dayîke Qedîfe derheqê tewirê hêzanê PDKyî yê vera dayîkan de ANFyî rê qisey kerd.

Xerma Elî vat: ''Mayê Haştîye semedê girewtişê cenazayanê xo şîyî sinorî. Di rey ma waşt mektûbêke bidê selahîyatdaran la destûr nêdîya ma. Pê tifingan verê 20 Mayanê Haştîye girewt.''

Dayîke Qedîfe zî vat: ''Ma Mayê Haştîye yê la ê pê tifingan yenê ma ser û tirî kerdî verê ma. Ma cenazayanê xo wazenê. Heta girewtişê cenazayan ma do tîya çalakîye de bê.''