Dewleta tirke ya îşxlakere şewa 23ê teşrîna verêne ra nata hêrişê Rojawanî kena. Fermandarê Pêroyî yê QSDyî Mazlûm Abdî ard ziwan ke hêrişî ''sucê şerî'' yê.

Mazlûm  Abdî hesabê xo yê medyaya sanale de na eşkerayîye daye: ''Tirkîya bi hewayêkê sîstemkî bîlasebeb hêrêmanê ma dana bombayan ver. Merkezê xizmetî, merkezê weşîye û sîvîlî yenê hedefgirewtene. Nê sûcê şerî yê. Ma zaf reyî vat ke ma muzakereyan rê hazi rê hazir ê la wa no zî bêro zanayene ke hêzê ma hazir ê ke şar û herra xo bipawê.''