Meclîsê Eskerî yê Babî derheqê hêrişê çeteyanê DAÎŞ’î yo ke 7 şerwanî şehîd bîyî de eşkerayîye daye û vat: “Ma do heyfê şehîdan, bi pakkerdişê çeteyanê terorîst û îşxalkaran ê serê erdê Sûrîye bigê.”
Gruba çeteyan Çatrayîrê Şerîya yê merkezê bajarê Mînbîcî de hêrişê nuqtaya kontrolî ya Hêzanê Xopawitişî kerdibi û şer qewemîyabi. Şer de 7 şerwanê Hêzanê Xopawitişî şehîd bîyî. Meclîsê Eskerî yê Babî derheqê na babete de eşkerayîya nuştekîye weşanaye û vat: “Ma do heyfê şehîdan bigê.”
Eşkerayîye de ame vatene: “Ma serweşîye keyeyanê şehîdanê xo rê wazenê. Ma nê hêrişê terorîstî şeremezar kenê. Şarê ma her dem vera nê hêriş û tehdîtan xo ver ro dayo û bi binkewtişê DAÎŞ’î serkewtiş kerdo ra xo dest.
Ma soz danê şehîdan û keyeyanê înan ke ma do xeta şehîdan bidomnê û heyfê înan her bostêka erdê Sûrîye ser o bi pakkerdişê teror û îşxalkaran bigê.”
