Meclîsê Leşkerî yê Minbicî da zanayene ke çeteyanê dewleta tirke waşt ke bikewê Minbicî la înan destûrê ci nêda.

Eşkerayîye de ame vatene ke şerwanan ferq kerd ke 5 çeteyan ra grûbêke xîret kena ke bikewo Minbicî û verê înan girewt. Pêkewtiş de yewê înan serçete 5 çeteyî ameyî kiştene.

Çeteyan ra yew Mustefa Mehmûd Hec İbrahim o ke fermandarê tumenê 1. o ke dewleta tirke paştî dana ci.

Badê vergirewtişê çeteyan dewleta tirke Minbic bombarduman kerd. Saetanê şanî de tewr tay 100 bombayî ameyî eştene.

Dewe ke ameyî bombardumankerdene wîna yê: Hoşeriyê, El-Cat, Um Edese, Seyada, Yalanlî, Ereb Hesen, Kawiklî, Bûweyhic, Hûtê û Ewn Dadat.

Dîya zanayene ke hêzanê hukmatê Şamî cewabê hêrişê çeteyan nêda.