Mengêke de 121 reyî hêrişê vera Efrîn-Şehba ameyî kerdene
Merkezê Îrtîbatî û Çapemenîye yê HRE da zanayene ke dewleta tirke ya îşxalkere adare de tewr tay 121 reyî hêrişê Efrîn-Şehba kerdo.
HÊRIŞÊ VERA ROJAWANÎ
Merkezê Îrtîbatî û Çapemenîye yê HRE bi eşkerayîyêke derheqê hêrişanê dewleta tirke yê vera Efrîn-Şehba de agahîyî dayî.
Goreyê bîlançoye adare de artêşa îşxalkere 121 reyî hêrişê 44 dewan û bajarekanê Efrîn-Şehba kerdo. Hêrişan de obus, hawan, tank, doçka, dron, bombayî şuxilîyayî û zerarê madîyî qewimîyayê.
Hêrişê 17ê adare de dewa Belûnîyê de domano 17 serre şehîd bi û hemwelatîyêk zî şehîd bi.
Hêrişê 4ê adare de dewa Alqami de hemwelatîyêk birîndar bi.
HRE zî 17ê adare de dewa Alqami de dronêkê îşxalkeran îmha kerd.
