Meclîsê Sûrîyeya Deomratîke (MSD) derheqê dûrfisnayîşê temsîlkaran ê Vakur û Roajakewtena yê Sûrîye Komîteya Qanûnê Bingeyênî de nameyêk Sekretero Pêroyî yê Newteweyê Yewbîyayeyî Antonîo Guterres û Temsîlkarno Taybet ê Neteweyê Yewbîyayeyî yê Sûrîye Geîr Pedersonî rê erşawit.

Name serê rîpel ê Meclîsê Sûrîyeya Demokratîke de ame weşanayene.

Name wina yo: 

"Nameyêko eşkera Sekretero Pêroyî yê Newteweyê Yewbîyayeyî Antonîo Guterres û Temsîlkaro Taybet ê Neteweyê Yewbîyayeyî yê Sûrîye Geîr Pedersonî rê 

Her çiqas  xîretkerdişê temsîlkaran ê Neteweyê Yewbîyayeyî yê bi armancê derbaskerdişê astengîyan û akerdişê rayîran ê çareserîye estî zî, la alozîya Sûrîye serra xo ya 9'ine de dewam kena. Tewr peyên komîteyêka Qanûnê Bingeyênî 3 hetan ra ame sazkerdene, la temsîlkarê Îdareyo Xoserî ci ra ameyî dûrfisnayene. Seke şima zî zanenê herêma teka ke verba rêxistinanê faşîstan sey DAÎŞ û El-Nusra û hetanê pabesteyê înan vindena û modelê vurnayîşo ke Sûrîye hewcedarîya ci ye, pêşkêş kerd û no model xurt kerd, pêro dewran de haştîye û asayîşo herêmî viraştî.

Yeno zanayene ke têkoşîn heman asta xo de heta qedînayîşê çime yê şîdetî û rakerdişê kokan ê îdeolojîyê DAÎŞ'î do dewam biko. Heman wextî de vengdayîşê seba yewîtîya Sûrîye û şarî do dewam bikê. Herême de îdareyêko sivîlo ke pêro şarê Vakur û Rojakewtena Sûrîye tewrê ci yê esto. 

Pêro çareserîyê sîyasî û mekanîzmayî yenê munaqeşekerdene; çareserîya ke ma paşt danê ci. Ma sazkerdişê komîte yê Qanûnê Bingeyênî û dûrfînayîşê temsîlkaran ê Vakur û Rojakewtena Sûrîye set surprîzêk hesibnenê. Dûrfînayîşê temsîlaran ê ma neheqî yo. No dûrfînayîş yeno a mena ke 11 hezar şehîdê ke oxirê asayîş û aramîya Sûrîye, herême û cîhan de xo feda kerd. Ma nêeşkenê naye sey tawirêko edîl name bikê. Ma vînenê ke tayê nameyî estî ke eleqeyêkê înan bi alozîyê Sûrîye çin o. Sey şarê Ereb, Kurd, Suryan, Asûr, Ermenî, Çerkez û Tirkmen ma nêeşkenî nê tewir edîl bihesibnê. Derheqê tayê nameyanê  ke yena vatene temsîlkarîya ma kenê, bi rastî nê nameyî hetê welatanê herême nênê naskerdene, berpirsîyarîyêka înan zî çin a, hêzê înan çin o ke netîceyê komîte bîyarê ca.

Birêz Guterres û Pederson: 

Hêvîya ma na bî ke birêz Pederson şêwirê pêroyê hêzan û hetkarîya Sûrîye bikerdêne û înan rê biciwîyayêne  û na çarçewe de pêkerdişî biviraştêne. La ma ancî zî bi rolê Neteweyê Yewbîyayeyî û birêz Pederson ra bawer ê ke ê do nê tewir verê çiman ra derbas bikê û têduştîye biviraze, heman wextî de paştdayîşê rol ê Vakur û Rojakewtena Sûrîye bike û seba xizmetê Sûrîye û hêvîya şaran ê Sûrîye yê asayîşî, haştîye û demokrasî bixebite."