Temsîlkarîya Meclîsê Sûrîyeya Demokratîke (MSD) semedê qedînayîşê krîzê welatî veng da endamanê Komara Erebî ya Yewbîyayîye  .

MSDyî hêrişê îşxalî yê dewleta tirke yê vera Sûrîye ardî vîrî û vat: ''Wexto ke dewleta tirke 2019 de hêrişê herra Sûrîye kerd, meclîsê şima eşkera kerd ke no hêriş asayîşê neteweyî yê ereban û haştîye tehdît keno. Hêrişê dewleta tirke yê dişmenkî vera Sûrîye dewam kenê. Pê metodê qirkerdişî sîvîlî yenê hedefgirewtene. Bêşik o nê hêrişî qanûnanê mîyanneteweyî binpay keno. Sûcê şerî yê teberî merdimîye yenê kerdene. Dewleta tirke çeteyanê xerîban û rêxistinanê terorîstan perwerde kena. No heme herême sero tesîro xirab keno.  Semedê vergirewtişê nê caardişanê leyminna ganî hêzê mîyanneteweyî û welatê ereban xebatêka xurt bikerê. Gerek muzakereyê mabênê hukmatê Şamî û muxalefetî reyna bêrê destpêkerdene. Sey MSDyî hêzê muxalîfê neteweyî yê bitesîrî yê Sûrîye zî tewrê ci bibê. QSDyî herême çeteyan ra kerdîbî pak la rîyê polîtîkaya Tirkîya ra DAÎŞî xo newe ra rêxistin keno. Ma sey MSDyî  şima ra paştgêrîye wazenê ke wa rojhilatê Sûrîye de mehkemeya terorî bêro ronayene.  Dewleta tirke wazena ke dîyalogê kurdano ke leteyê dîyalogê neteweyî yê Sûrîye yo asteng bikero. Waştişê ma oyo ke şima paştî bidê dîyalogê kurdan.''