Rêxistina Doktoran ê Sînornenasan da zanayene rîyê şerî ra Sûrîye de meseleya awe pîlêr bena û bale ante mudaxaleyê Tirkîya yê awe ser.

(MSF) ra Îbrahîm Mughlajî  vat: ''Kampan de nêweşîyê sey emel, hepatit, impetigo û gerrî yê ke  rîyê awe ra vila benê vejîyayî.''

MSFyî bale ante ser ke zafê înanê ke rîyê şerî ra cayê xo ra bîyî zî tede hîrê mîlyonan ra zafêr kesê ke Îdlîb û bajaranê dormeyî de yê feqîr û û bêasayîş ê û vat menga temmuze 30 kampanê Îdlîbî de nêweşîyê sey emel û gerrî zêdîyayî.

MSFyî ard ziwan ke Sûrîye de zî rewşe zaf giran a û vat seba ke îstasyonê Alukî yo ke binê kontrolê dewleta tirke de yo tim awe yena pêsnayene  awa Firatî bena zuwa. MSFyî vist vîrî ke Hesekê de yew mîlyonî ra zafê merdimî di serrî yo tengayîya awe ance û vat Reqa de weqayê nêweşanê emelî goreyê menga gulana 2021î se de 50 zêdîyayî.

koordînatorê MSFyî Benjamin Mutisoyî vat: ''Rîyê kêmîya fonî ra na rewşe xirabêre bena. Mesleya vilakeridşê awe ge-ge bena polîtîze û MSF û dezgehê bînî nêşkenê ci rê bibê çare.''