Merkezê Çapemenîya QSDyî bi eşkerayîya nuştekîye da zanayene ke semedê qesasgirewtişê wird cinîyan ê şorişgêran vera DAÎŞî operasyono gird dîya destpêkerdene.

Eşkerayîye de ame vatene seba ke hêrişê DAÎŞî herêma Dêrazorî de zêdîyayî 4ê sibate de hetê QSD, YPG,YPJ û Hêzanê Asayîşî yê Zereyî ra operasyon ame kerdene. QSDyî da zanayene ke 24ê saetanê peyênan de bi desan nûqtayanê çeteyan rê ame sereştene  û bi desan çeteyî ameyî tepiştene, xeylêk cepilxane zî ame destfînayene.

QSDyî dewamê eşkerayîye de ard ziwan ke operasyon Dêrozor û  sînorê Sûrîye û Iraqi de dewam keno û rojanê verê ma de do derheqê operasyonî de zanayîş bêro dayene.

Çeteyanê DAÎŞî 22ê çeleyî de herêma Dêşîşa ya Hesekê de di cinîyê erbebê ke xebatanê Îdareyê Xoserî de ca giretêne remnaybî û qetil kerdbî.Cinîyê ke ameyî qetilkerdene Hemşaredara Til Şeyîrî  Seda Feysel El Hermas û Hetkara ci Hinde Letif El Xidar bî.