Dima ke dewleta Tirkî verba Rojawan û Vakur û Rojakewtena Sûrîye dest pê hêrişê îşxalî kerd, hucreyê rakewteyî yê DAÎŞ'î kewtî têgêrayîş û Qamişlo û Hesekê de tayê hêrişî kerdî. Yewineyê îstîxbaratî yê Vakur û Rokakewtena Sûrîye zî verba komanê çeteyan kewtî têgêrayîş.

Yewineyê taybetî yê Îstîxbaratê Rojawanî Qmişlo de seba çinkerdişê hucreyêkî kewtî têgêrayîş. Dimayê teqîbkerdişê 3 rojan koma DAÎŞ'î bi operasyonêkê yewineyanê asayîşî ameye çinkerdene.

Berpirsîyaranê yewineyan ê taybetan ra yewêkî parbe kerd ke çeteyê DAÎŞ'î yê ameyî çinkerdene eşkayêne ke hêrişê suîqestî û bombaye bikerdêne. Hem zî eşkayêne ke koordînatanê dezgehan ê îdareyo xoserî û heremanê leşkerî yê Vakur û Rojakewtena Sûrîye dewleta Tirkî rê biresnê.

Berpirsîyarê yewineyan ê taybetan ANF'yî rê qisey kerd û ard ziwan ke dima ke hêrişanê îşxalkaran dest pê kerd, komê çeteyî zî tayê dewan û bajarekan de kewtî têgêrayîş, înan hêrişê hêzanê YPG'yî kerd û zafê herêman de zî seba obus, tank û teyarayanê şerî yê Tirkî ya îşxalkare koordînatî resnayî.

 Selahîyetdarî parbe kerd ke 3'yê endamanê komanê çeteyanê ke çeteyê 'Mertala Firatî' zî tede bi ke dewleta Tirkî înan reyde serra 2016 de Cerablûs de dest pê îşxalkarîye kerdibi. Yena vatene ke endamê kome zî seba ke qirkerdişê bike Mibicî ra şîyê Qamişlo. Endamanê kome  roxonayîş kerd ke zafê suîkastî bikerdêne, tayê cayan de hêrişê bombayî bikerdêne û seba ke qirkerdiş bikê verê wextêkî Minbicî ra ameyî Qamişlo û dest bi amadekarîya qirkerdişan kerd.