Îdareyê Xoserî 15ê temmuza 2021î de komîteyêka qijkeke ya bi 30 kesan awan kerde. Armancê komîte no bi ke vernîyazê peymannameyê komelkîyî awan bikera. Komîte 2 mengan ra dima vernîyaz amade kerd.

Komîteya Awankerdişê Peymannameyê Komelkîyî ya Rojawanî 17ê sibate de Hesekê de çar kombîyayîşî kerdî û 11 rojan vernîyaz nîqaş kerd.

156 endamê komîte, îdarekarê Îdareyê Xoserî, partîyê sîyasî, têgêrayîşê ciwanan, huqûqnas û endamê dezgehanê sivîlan tewrê kombîyayîşî bîyî.

Hemsereka Meclîsê Sûrîyeya Demokratîke (MSD) Emîne Omer ANFyî rê qala vernîyazî kerde.

Emîne Omar da zanayene ke dima ke Reqa, Dêra û Tebqa ameyî xelisnayene peymannameyo komelkî kêm mend û oyo newe lazim o. Emîne Omar vat: ''Nê peymannameyê neweyî de ameye û warê neweyî estbîyî. Hetê bînî ra 10 serran ra zêdêr o Sûrîye de derheqê krîzî de çareserîyêka hole çin a û astengîyî zêdîyayî. Seba ke şar hol bêro temsîlkerdene vernîyaz eşkeno bêro ercnayene.''

Emîne Omar pare kerd ke tekstê vernîyazî de 93 madeyî estê û komîte dima do nînan ser o bixebita. Komîte 7 herêman de do şarî reyde bêra yewca û ercnayîş bikera. Dima nîqaş û pêşnîyazî Meclîsê Pêroyî yê Rojawanî rê do bêrê erşawitene. Proses o çax do dest pêbikero. Goreyê peymannameyê neweyî prosesê weçînayîşî û sîstemê îdareyî do dest pê bikero.''