Meclîsê Pêroyî yê Partîya Yewîya Demokrate (PYD) bi wesîleya 1ê Teşrîna Verêne Roja Xoverdayîşê Kobanê ya Dinya eşkerayîyêke nuştekîye daye.

Eşkerayîye de ame vîrardene ke Kongreya Kurdîstanî ya ke 2014 de Parlementoyê Ewropa de ameye kerdene de 1ê Teşrîna Verêne  Roja Xoverdayîşê Kobanê ya Dinya ame îlankerdene û ame vatene ke na roje vera terorî bîye sembolê têkoşînî.

Eşkerayîye de bale ameye antene serê xoverdayîşê Kobanê ser û ame vatene ke pîya bi nê xoverdayîşî xoverdayîşo destankî yê kurdan hetê heme dinya ra ame eşnawitene û no xoverdayîş semedê şaranê bindestan bi sembol û nimûne.

PDYyî xoverdayîşê Kobanê sey serkewtişê merdimîye name kerd û vat: ''Xoverdayîşê Kobanê sembolê îradeyê azadî yê şarê kurdî yo. Ma heme şehîdanê azadîye û birîndaranê xo yê ke têkoşînê Kobanê de destan nuşt, înan rê deydanr ê. Pê ruhê xoverdayîşê Kobanê ma eşkenê ser bikewê. Ganî xoverdayîşê Kobanê ra ders bêro girewtene.''