Partîya Yewîya Demokratîke (PYD) bi eşkerayîyêke venga hukmatê Şamî da ke rolê Hêzanê Sûrîyeya Demokratîke (QSD) înkar mekero û sûcdarkerdişê ci krîzî giranêr kenê.

PYDyî îfade kerd ke rixmê hende hêrişan û koçberîye zî hukmatê rejîmê Şamî têna Îdareyê Xoserî û QSDyî înkar keno. PYDyî vist vîrî ke xoverdayîşê QSDyî û fedakarîyanê înan ra nêbîyêne Sûrîye nêeşkayêne yewîya erdê xo bipawa. PYDyî da zanayene ke rejîm înkarê QSD û Îdareyê Xoserî de israr keno û no zî krîzanê nikayênan giranêr keno.

PYDyî vat: ''Serkewtişo raştikên dîyaloganê bi dewletan nê çareserkerdişê meseleyan o. Ma do vera sîyasetanê ke îradeyê ma kenê hedef do teslîm mebê. Ma do tim destkewteyanê xo bipawê, Sûrîyeya demokratîke awan bikerê û heqanê pêro sûrîyeyîjan bîyarê ca.

Ma derheqê sûcdarîya 'ajanîye' ya rejîmî de wazenê kerdişanê selahîyetdaranê rejîmî bîyarê vîrî. Nê sûcdardişî xizmetê Sûrîye û şaranê ci nêkenê. Ganî pêro sûrîyeyîjî xîtabê nefretî ra dûrî vinderê, pîya  seba xelisnayîşê herêmanê îşxalkerdeyan xebitê, Sûrîye bipawê.''