Endama Akademîya Jineolojî Şareza Osman ard ziwan ke Jineolojî têkoşînê azadîya cinîyan global kerdo û vat: ‘’Vera mezgê cînsîyetperestî ganî bi têkoşînêkê konfederalî şoriş bêro xurtkerdene.’’
Endama Akademîya Jineolojî Şareza Osman derheqê mesajanê Rayber Apoyî yê serê cinîyan de ajansê ma rê qisey kerd.
Şareza bale ante ser ke mektuba xo de Rayber Apoyî seba akademîya Jineolojî vato ke ‘Karê min o serê cinîyano ke nêmcet mendibi temam bîyo’ û vat: ‘’Cinîyê kurdî bi Jineolojî bîyî partî, bîyî wayîrê ferasetî. Her parçeyê Kurdîstanî de seba xopawitişê cinîyan gamê girîngî erzîyayî. Nê pêro destkewteyê cinîyan ê. 2015 ra nata Zanistê Cinîyan çarçewa Jineolojî de karêko hîra kerd. Seke Rayber Apoyî vatibi Jineolojî Kurdîstanî ra vilayê dinya bîye.
Verê cinîyan de karê pîlî est ê. Şorişê Rojawanî reyde cinîyan destkewteyê pîlî vistî destî. La qîm nêkenê. Ganî her cinîye tewra şorişî biba. Jineolojî eşkena naye bikera. Ganî Konfederalîzmo Demokratîk ê Cinîyan asta dinya de bêro caardene. Vera cînsîyetperestîye ganî cinîyî sîstemê konfederalî de yew bibê. Cînsîyetperestî ganî bi têkoşînêkê konfederalî şoriş bêro xurtkerdene.
Rayber Apoyî mesajê xo yê 8ê Adare de vatibi ke ‘Bê azadîya cinîyan sosyalîzm nêbeno.’ Rayber Apoyî seba zanekerdişê cinîyan, vurnayîş û vurîyayîşê cinîyan, azadkerdişê cinîyan camêrdîye ra fek vera dayo. Camêrdî zî ganî verê xo bidê Zanistê Jineolojî. Seba ney zî ganî komel hetê zanistî û felsefî ra bêro xurtkerdene. Yanî azadîya cinîyan û camêrdan pabesteyê yewbînan ba.’’
