Kongreya 8. ya PYDyî Salona Aram Tîgranî ya bajarekê Rimêlanî ya Qamişloyî de dewam kena. Hemserekê PYDyî Şahoz Hesenî û Ayşe Hiso eşkerayîyêka hempare daye.

Hemserekan vat: ''Rojawan de serre bi xoverdayîşî û têkoşînî derbaz bîye, şarê herême Efrîn, Serêkanîyê û Girê Sipî de xoverdayîşêko tarîxî kerd. Şarê herême komplo çin kerd û pêro merdimîye dermeyê ci de kom bi. Eke ma bi ruhê nê xoverdayîşî dewam bikerê, ma do bieşkê rêxistina xo xurt bikerê, Sûrîye bipawê û sîstemê demokratîkî awan bikerê.

Modelê Rojawanî qerardarî, hêvîya ameyoxî, îradeyê şaran û awankerdişê sîstemêkê demokratîk temsîl keno. Bi taybetî hetê dewleta tirke ra vera nê modelî zaf hêrişî ameyî kerdene. Rejîm zî keno ke alozîye xurtêr biba. Pêro terefî xîret kenê ke bi rayîrê çareserîye mesele çareser bikerê. Naye ra çareserîya sîyasîye alozîya Sûrîye têna bi tecrubeyê sîstemêkê demokratîkî yê Rojawan mumkîn a.

PYDyî xîret kerd ke tecrubeyê Rojawanî  herême de mende bibo. Ma nê esasî ser o têkoşîn kerd û ma seba naye wayîrê rolêkê çalakîyî bîyî.''

Yewîya Neteweyîye

Ma her tim sena yewîya neteweyîye veng da û ma Rojaan de zî parçeyanê bînan ê Kurdîstanî de zî beşdarê pêro xîretanê seba yewîya neteweyîye bîyî. Ma reyna venga pêro terefan danê ke na babete de berpirsîyarîye xo bîyarê ca.

Dîyalogê bi Şamî

Ma nîşan da ke ma seba dîyalogan amade yê la tewiro nikayên ê Şamî çareserîye asteng keno. Xîretê agêrayîşê serra 2011î verê çareserîya alozîye û awankerdişê Sûrîye ya azade, demokratîke û zafrenge asteng ê. Heta ke meseleya kurdî çareser nêba, alozîya Sûrîye zî çareser nêbena. Mefteyê çareserkerdişê alozîya Sûrîye, çareserkerdişê dewaya kurdan o.''